Пејачката Марија Микиќ неодамна се разведе од сопругот Јован, со кого има две деца, а сега одлучи да направи голема промена во изгледот. На својот Инстаграм-профил, Марија сподели фотографија од фризерски салон, на која покажа дека ја скратила косата драстично.
Многумина во коментарите истакнаа дека новиот стил ѝ стои феноменално, пренесува „Блиц“.
Марија Микиќ за разводот
Да потсетиме, Марија неодамна зборуваше за разводот од Јован и нагласи дека со поранешниот сопруг останала во добри односи.
„Јован и јас сме во супер односи, одлично функционираме. Најважно ми е што е тој добар татко – а тоа навистина е. Се слушаме, ги зема децата, ги враќа, преспиваат кај него, сè е по договор. Тоа носи мир. Зарем би се развела ако не можам да го гледам со нова девојка? Тој секогаш ќе ми биде пријател, и заедно ќе ги изведеме децата на прав пат во ова лудо време. Сè друго е онака како што треба да биде – одиме понатаму“, изјави пејачката, додавајќи дека во моментов нема нова љубов.
„Фокусот ми е на мене, на децата и на кариерата. Сè ми беше некако на половина две бремености, болест … Заборавив колку можам и што можам. Не ми приоѓаат мажи – ми пишуваат жени. Тие се мојата публика“, откри таа низ насмевка.
Со оваа промена, Марија уште еднаш покажа дека по тешкиот животен период, е подготвена да продолжи со нова енергија и самодоверба.
