Српската пејачка Александра Пријовиќ се породи во приватна клиника во Белград и на свет ја донесе ќерката Арија, а во ресторанот Живојиновиќ беше организирана гала прослава.
Мајката на Алесандра, Борка, е пресреќна поради доаѓањето на нејзината внука на свет, а на Инстаграм позирала во маица која била специјално изработена за оваа пригода. Заедно со цртеж од бебе, на маицата пишувало:
– Се роди Арија.
Александра Пријовиќ ја сподели и првата фотографија од породилиштето, на која цврсто ја држи раката на својата наследничка.
Арија или Арја е вообичаено име во персиските земји и Индија. Неговото значење е „благородно“, „чесно“ или „чисто“.
Во Европа, името Арија е исто така женско италијанско име и се преведува како „воздух“. Варијанти на името се Аријана, Аријан, Арјан, Арја.
Сосема е сигурно дека гордите родители избрале име за својата принцеза кое ќе биде препознаено низ целиот свет, но очигледно се погрижиле тоа да биде во согласност со името на братот Александар, чие име исто така почнува на буквата А.
Пријовиќ се породила во приватна клиника. Пејачката влегла во породилиштето неколку часа откако нејзиниот сопруг Филип Живојиновиќ ја донел во болница.
Како што еднаш открил извор за српските медиуми, штом дознала дека е бремена, Пријовиќ почнала да ја опремува собата за бебето. Ангажирала познат дизајнер на мебел од Италија за да ги направи парчињата мебел според нејзините желби.
Пријовиќ била дарежлива, па издвоила дури 10.000 евра за опремување на собата.
