Како што открива извор близок до пејачката, таа на секој начин се обидува да го реши проблемот со дивоградбата на куќата, поради што ги ангажирала сите нејзини пријатели и познаници, но и недостигаат три документи, кои доколку не ги добие, може да дојде до уривање на куќата што се гради на спорната парцела.
Лепа Брена се најде во центарот на настаните кога се дозна дека гради куќа на парцела до нивната куќа на Бежанијска коса, која е во сопственост на српската држава, поради што градежната инспекција наложила да се прекине со понатамошната работа.
Пејачката на секој начин се труди да го реши проблемот со дивоградбата, за да може да ја заврши својата луксузна куќа – пишуваат српските медиуми.
– Настана голема врева. Брена и Боба не знаат што ги снајде. Мислеа дека ќе ја решат документацијата дури кога ќе ја завршат куќата. Сакаат да го купат тоа земјиште од Градот. Мислам дека им недостигаат три важни документи за да можат работниците да продолжат со својата работа. Брена ги повикала сите нејзини пријатели да им помогнат во оваа ситуација. Се се искомплицира, градилиштето е затворено и се шушка дека градат на диво. Што е тоа е, ваљда ќе се најде решение. Од понеделник ќе се знае дали ќе треба да ја руши куќата или не. Во тој објект се вложија многу пари и сега се е под знак прашање – вели изворот.
Дека се работи за дивоградба говори и тоа што нема одобрение за градба на објектот во јавно достапните документи на веб-страницата на Републичкиот геодетски завод на Србија. Од документите јасно се гледа дека парцелата на Брена и Боба е само онаа на која се наоѓа нивната куќа, а плацот надвор од куќата е во сопственост на Град Белград, како и дека не е формирана нова градежна парцела на која треба да се изгради дивоградбата. Градежната инспекција брзо реагирала, затворајќи го целото градилиште.
