По неколку месеци шпекулации, пејачката Јелена Карлеуша конечно реши да стави крај на гласините и да признае дека е во врска со кошаркарот Никола Јовановиќ, кој е 16 години помлад од неа.
Кој е Никола Јовановиќ?
Тој е српски кошаркар, роден на 6 јануари 1994 година во Белград, во Врачар.
Јовановиќ бил дел од јуниорските селекции на Црвена ѕвезда, а помина и една година во Партизан пред да замине на подготовки во САД во 2012 година.
Прво поминал една година во средното училиште „Арлингтон Кантри Деј“, по што отишол на познатиот Универзитет во Јужна Калифорнија каде што играл три години. По третата година, аплицирал на НБА драфтот, кој не го поминал, па својата шанса во НБА ја побарал преку летната лига, каде што прво играл за Детроит, а потоа за Лос Анџелес Лејкерс.
Бидејќи не успеа да добие договор со НБА тим, на крајот на октомври 2016 година потпиша за огранокот на Детроит (Гранд Рапидс Драјв) за кој играше до март кога беше продаден на огранокот на Никс.
Никола потпиша тригодишен договор со Црвена ѕвезда во 2017 година. Тој ја освои српската Суперлига со Ѕвезда во сезоната 2017/18. Во август 2018 година, беше испратен на едногодишна позајмица во Аквила Тренто.
Сезоната 2019/20 ја помина во Црвена ѕвезда, а во август 2020 година потпиша едногодишен договор со Игоке. Со овој тим го освои Купот на Босна и Херцеговина за 2021 година.
Во септември 2021 година, тој потпиша договор со рускиот тим Нижни Новгород. Беше во рускиот клуб до декември истата година, кога договорот беше раскинат, а потоа се врати во Нижни Новгород во сезоната 2022/23. Во февруари 2023 година, потпиша за белгиски Остенде, според Википедија. Во октомври истата година, се пресели во Антверпен Џајантс, каде што сè уште игра.
