Најубавата жена на светот, како што ја нарекуваат италијанската актерка Моника Белучи, позираше за насловната страница на кинеското издание на магазинот „Ел“.
На еден сет фотографии Моника позира во тесен црн фустан и подвезици, заводливо гледајќи во камерата, што обожавателите ги фли во транс.
View this post on Instagram
„Кралица, икона, убавица“, „Секогаш ќе бидеш мојата омилена Бонд девојка“, „Сакам да остарам грациозно како неа“, „Секси жена“, „Уметност“, „Најубавата жена на светот“, беа само дел од коментарите.
На крајот од септември Моника го прослави својот 60-ти роденден, а неодамна, во интервју за списанието „IO Donna“, таа зборуваше околу стареењето.
View this post on Instagram
„Не само што сè уште сум тука, туку уживам во годините и продолжувам да откривам многу работи. Би кажала дека не можете да се борите и да му објавите војна на времето, кое е далеку посилно од нас: треба да се договорите, да потпишете примирје и да се надевате дека тоа ќе ве помилува. Би сакала да им бидам референтна точка на помладите од мене, како што беа и се моите 80-годишни пријатели за мене“, објасни таа.
View this post on Instagram
Моника е во љубовна врска со Тим Бартон, а двајцата се запознале пред 16 години, додека врската официјално ја потврдија во октомври минатата година, кога се појавија на Филмскиот фестивал во Рим фатени за рака.
