Српската пејачка Александра Пријовиќ го промени имиџот и ги одушеви обожавателите со новата фризура.
Александра по големиот успех и низата концерти реши да го промени својот изглед. Станува збор за паж фризура, која кај жените сè уште е многу во тренд.
Таа пееше на роденденската прослава на Млаѓан Динкиќ, а гостите беа одушевени од нејзиниот нов изглед.
Александра блескаше во тесен црн фустан со изрези на стомакот.
На прославата, освен неа и нејзиниот сопруг Филип Живоиновиќ, биле и Ана Бекута, Ацо Пејовиќ, Жика Јакшиќ, Жељко Васиќ…
Инаку, Александра Пријовиќ ги собори сите рекорди, така што речиси е невозможно да се наведат српски изведувачи кои успеале да го направат тоа што таа го направи за само неколку месеци.
Турнејата на Александра „Од исток кон запад“ започна во главниот град на Србија на 28 септември, а пејачката наполни три белградски арени на крајот на тој месец.
По Белград, Прија одржа по три концерти во Ниш и Сараево, дури пет во Загреб, а останатите два во Тузла и еден во Зеница.
Кога започна турнејата, Прија имаше околу 650.000 следбеници на Инстаграм, а сега има дури 800.000 луѓе, што е скок од неверојатни 150.000.
