Бугарската музичка ѕвезда Азис ѝ посвети исклучително емотивна порака на својата ќерка Раја, по повод нејзиниот 18-ти роденден, важна животна пресвртница што го означува преминот од детство во зрелост. Во објава полна со љубов, гордост и благодарност, Азис открива колку силна е врската меѓу татко и ќерка и колку е важно за еден родител да види дека неговото дете пораснало во добар човек.
Тој се присетува на моментот кога првпат ја зел Раја во раце и ја нарекол актерка, со уверување дека таа ќе ја исполни својата судбина со светлина и талент.
Пораката, која допира до секој родител, е вистинска прослава на родителството, зрелоста и безусловната љубов:
Ова е Раја! Денес моето дете полни 18 години. Ти посакувам здравје, мудрост и успеси! Најважното – ти самата го постигна: стана добар човек. Ние со мајка ти бдеевме над тебе и гледавме како се претвораш во личност со прекрасна душа, која ги обожава животните, театарот, балетот … Ти си сè за што сонувавме. Сигурен сум дека ќе станеш божествена актерка – како што предвидов уште во првите секунди, кога те зедов од докторите. Ние – највредното – го завршивме до тука. Сега сè е во твоите раце. Те сакаме и ќе те поддржуваме додека сме живи.
View this post on Instagram
