На гробиштата во Чачак денеска се одбележува една година од смртта на легендарниот музичар Бора Ѓорѓевиќ, кој почина на 4 септември, по долго и тешко боледување.
Семејството на легендарниот Бора ја исполни неговата последна желба, па на неговиот споменик постави и две вкрстени гитари, токму како што тој напиша во последната песна.
– Не трошете џабе пари, не сум толку важен лик, вкрстете две гитари, нека тоа биде споменик. Конзилиумот објавува соопштение секој ден, за да знае јавното мислење колку сум болен. Моето тело испратете го во Чачак, во Србија… во Љубљана оставете ми го срцето, нека биде тука. Не трошете џабе пари, не сум толку важен лик. Вкрстете две гитари, нека тоа биде споменик – гласат стиховите на песната.
Гитарите на споменикот се оригинална реплика на неговиот инструмент направен од мермер кој е набавен во Шпанија.
На гробиштата во Чачак, свештеникот го започнал поменот за легендарниот рокер, а многумина од присутните достоинствено заплакале и храбро се држеле.
Членовите на „Рибља чорба“, но и Жика Јелиќ, естрадниот менаџер Бане Обрадовиќ, пристигнале на поменот на својот пријател и колега. Присутни биле и чачански бендови, фронтмени и членови, сите оние со кои тој некогаш снимал и соработувал.
Со нив пристигнала и Дубравка, неутешната вдовица на Бора.
На гробиштата се појавил и синот на Бора Ѓорѓевиќ и веднаш положил цвеќе на гробот на својот татко.
Градоначалникот на Чачак, Милун Тодоровиќ, исто така пристигнал на гробиштата со својата сопруга. Неодамна доживеал мозочен удар и има здравствени проблеми, но тоа не го спречило да му оддаде почит на Бора.
Најлојалните обожаватели почнале да се собираат од рано наутро. Положиле свежо цвеќе на гробот и запалиле свеќа за спомен на Бора.
