Драгана Мирковиќ е пресреќна што нејзиниот син Марко и снаата Мелани ќе добијат дете и вели дека нејзиното внуче ќе стане центар на нејзиниот свет.
По разводот од Тони Бијелиќ, Драгана Мирковиќ се посвети на кариерата и настапите, а веста дека ќе стане баба ѝ донесе позитивна енергија и ентузијазам за нови потфати.
– Сè уште сум под впечаток дека ќе станам баба. Марко и Мелани ме направија неверојатно среќна и од тој момент бев под постојан наплив на адреналин. Имам толку многу позитивна енергија што можев да настапувам секој ден, да менувам градови и земји и да се дружам со публиката. Поради огромната среќа што ја чувствувам, воопшто не ми треба одмор. Едвај чекам да го прегрнам внучето! Марко и Мелани веројатно го знаат полот на бебето, но не ми кажаа. Велат дека сум премногу искрена и дека не би можела да поднесам да не кажам јавно. Мислам дека се во право и подобро е што не знам. А кога ги родив Марко и Мануела, не сакав да го знам полот. Претпочитав да бидам во неизвесност и да бидам изненадена кога ќе се породам – рекла идната баба и додала дека со задоволство би организирала свадбена забава за својот син и снаа:
– Многу сум среќна што сакаат да бидам вклучена во организацијата на свадбата и ништо нема да ми биде тешко. Мислам дека ме преценуваат во одредени моменти бидејќи очекуваат дека можам сè да организирам за два месеци. Сепак, ќе се обидам да бидам на висина на задачата, мајките постојат за такви работи.
