Во документарниот филм на Нетфликс, Halftime, ѕвездата раскажува за некогашната бурна врска со мајка ѝ Гвадалупе „Лупе“ Родригез. Како имигрант од Порторико, жената ја одгледала Џеј Ло и нејзините сестри, заедно со нејзиниот сопруг Дејвид, во Бронкс. А Џенифер „ја натерала да страда најмногу од се“.
Во документарниот филм Halftime, сега достапен на Нетфликс, Џенифер Лопез (52) зборува за подемите и падовите на нејзината кариера, но и за нејзината покревка и приватна страна. Тоа ја вклучува некогаш бурната врска со нејзината мајка, Гвадалупе „Лупе“ Родригез.
Седумдесет и шестгодишната имигрантка од Порторико ги одгледа Џенифер и нејзините две сестри Лесли и Линда во Бронкс заедно со нејзиниот сопруг Дејвид, од кој се разведе кога нејзините ќерки веќе пораснаа:
„Таа го направи она што беше неопходно за да преживее и тоа ја направи силна, но и цврста“, вели Џенифер во документарецот објаснувајќи дека мајка им ги тепала.
Дури и г-ѓа Гвадалупе, прикажана во филмот, признава дека била прилично тешка мајка: „Џенифер ме натера да страдам најмногу од се“, вели таа. „Многу се каравме. Не бев совршена мајка, далеку од тоа, но можам да кажам дека отсекогаш сум ги имала само нивните интереси во срцето“.
Џеј Ло веќе како млада девојка сонувала за иднината во светот на забавата и земала часови по танц, но Гвадалупе сакала таа да се сконцентрира на книгите. Затоа тдвете постојано се карале: „Секогаш барав ќерките да се школуваат, бидејќи не сакав да зависат од мажи“, објаснила Гвадалупе.
„Мајка ми“, додаде поп-ѕвездата, „постојано ми повторуваше: ако сакаш да живееш во оваа куќа, треба да учиш. Една вечер, по уште една кавга, заминав од дома“. Во тоа време, идната планетарна ѕвезда имала 18 години.
Во документарецот Џеј Ло ја опишува мајката како „комплицирана личност“. Но, денес нивните односи дефинитивно се подобрија. Двете жени се толку поврзани што минатата година настапија заедно, фатени за рака, на сцената на Global Citizen Vax Live.
Според американскиот печат, г-ѓа Родригез е среќна поради врската на Џенифер и Бен Афлек: „Гвадалупе го сака Бен и навистина е среќна што тој се врати во животот на Џенифер“, изјави извор за Пипл. „Во минатото, Бен и неговата свекрва беа многу блиски. Кога приказната со Џенифер завршила, Гвадалупе била многу вознемирена. Сега, кога тие се повторно заедно, таа е среќна“.
