17-годишниот играч ја открива својата хомосексуалност: „Сакам да бидам модел со овој чекор“.
„Цел живот знам дека сум геј, а сега чувствувам дека е време да го кажам тоа јавно и да бидам свој“. Џејк Даниелс, роден во 2005 година од клубот Блекпул, е првиот активен професионален фудбалер во Англија кој го направил овој чекор. Англискиот второлигаш одлучи да му даде поддршка на играчот во неговиот важен избор.
„На теренот оваа сезона беше фантастична за мене. Го потпишав мојот прв професионален договор, постигнав 30 гола во младинските селекции, споделив многу успеси. Но, надвор од теренот го скрив вистинското јас и кој сум навистина. Мразам лажење и криење„. ова е почеток на белешката напишана од момчето, која беше објавена на официјалната веб-страница на клубот.
Од времето на Џастин Фашану, далечната 1990 година, професионален фудбалер јавно не се изјаснил за својата хомосексуалност, во Велика Британија.
Поради оваа причина, чекорот што го направи Даниелс добива уште посимболично значење. Младата возраст, помешана со чувствителноста и храброста на 17-годишникот, може да помогне да се расчисти табу-то кое е „на сила“ во светот на фудбалот и спортот воопшто.
„Има такви кои можеби не се чувствуваат удобно да признаат пред јавност, но само сакам да им кажам да не се преправаат кои се, мора да бидете свои, тоа е она што е најважно“, додава фудбалерот.
