Јелена Карлеуша е позната како личност која често слободно зборува на бројни теми, а сега го привлече вниманието и на третманот на музичарите од јавната сцена во регионот.
Поп дивата истакна дека во Србија сите пејачи без пречки ја градат својата кариера, а српските изведувачи се забранети во нивните земји, поради што упати јавен апел.
– Ги повикувам сите мои колеги од земји како Хрватска, Босна, Црна Гора, кои без пречки и без никакви забрани ја градат својата кариера во Србија и Белград, да ги поддржат српските изведувачи и да бараат ист третман за сите. Исто така, ги замолувам да замислат колку би ги болело доколку ги избришат од радио и ТВ станиците на Србија. Музиката не смее да има примитивна поделба и политичка конотација – напиша Карлеуша.
Инаку, долга е листата на музички изведувачи од Србија чии концерти во земјите од регионот беа откажани и забранети во изминатите месеци и години.
