Во понеделник, македонската фудбалската репрезентација на Македонија ќе одигра пријателски натпревар со репрезентацијата на Хрватска. Македонците и Хрватите ќе си ги одмерат силите во Риека, а ова ќе биде еден од двата натпревари во јунскиот репрезентативен циклус.
Непосредно пред тргнувањето за Хрватска, нашите фудбалери имаа специјален гостин во хотелот „Дабл Три Хилтон“ во Скопје – регионалната музичка ѕвезда Северина Вучковиќ.
Таа им посака среќа на нашите репрезентативци, а тие ѝ подарија два дреса со бројот седум – едниот со нејзиното име, а другиот со името на син ѝ Александар.
Симболичниот подарок ѝ го врачија фудбалерите Александар Трајковски и Столе Димитриевски.
