Род Стјуарт е несомнено една од најголемите рокенрол легенди и еден од најпродаваните музичари на сите времиња, па затоа нема потреба да ве чуди огромниот интерес за венчавката во Дубровник на неговиот син Лиам и неговата избраничка Никол Артукович која се случува денес. Парот се заколна на вечна љубов пред Бога и сведоци во црквата на језуитите во Дубровник.
Како што пренесуваат хрватските портали, дождот кој почнал да паѓа пред церемонијата не успеал да го расипе доброто расположение на младенците и нивните гости, вклучително и на членовите на нивните многубројни семејства.
Новопечената невеста Никол Артукович пристгнала пред црквата по најсилниот дожд во друштво на нејзината кума Ела Бокавшек, сопственичка на култната сплитска Бокариа, и деверушите облечени во розови фустани, сите биле под чадори.
По излегувањето од црквата засвиреле гајди, со оглед на тоа дека Род Стјуард е со шкотско потекло. Род Стјуард запеал со гајдите.
Гостите понатаму на свадбата ќе ги забавува диџеј, а ќе има и други изненадувања. Младенката за овој голем ден посакала да ѝ пее далматинска клапа, но да има и девојки во традиционална носија кои ќе нудат пијалоци за гостите. Ќе се сервира храна по традиционално мени на градот Дубровник, пренесува хрватски Тпортал.
