Антонија Черкез, пејачката од Босна и Херцеговина, која со своите настапи во шоуто „Ѕвездите на Гранд“ ја воодушеви публиката, му го кажа судбоносното ДА на својот долгогодишен избраник Петар Ноголица. Церемонијата пред најблиските членови на семејството и блиските пријатели се одржа во црквата „Успение на Пресвета Богородица“ како дел од францисканскиот манастир во Широки Бријег.
За време на церемонијата, таа носеше венчаница од тантела со цветни дезени, а потоа се пресоблече во пократок фустан за да може полесно да се движи на подиумот, пренесува dnevnik.hr.
View this post on Instagram
Парот ја криеше својата врска од јавноста, а до моментот на свадбата, името на партнерот на Антонија не беше познато на јавноста.
Во април оваа година, Антонија откри дека е верена, а романтичниот момент од запросувањето се случил во Њујорк.
На почетокот на овој месец, таа откри и дека е бремена, а потоа објави серија фотографии на својот инстаграм-профил на кои се гледа нејзиното трудничко стомаче и фотографии од ултразвук.
„Најубавите работи во животот остануваат скриени долго време – се чуваат во тишина, подалеку од погледите, од бучавата на светот. Досега, ја носев мојата најголема радост тивко, заштитено и нежно, колку што е можно повеќе“, напиша Антонија во објавата.
Судејќи според описот на почетокот на објавата, каде што стави сино срце покрај зборот „мама“, се чини дека пејачката очекува момче.
Исто така, минатата недела таа ги сподели снимките од нејзината моминска забава.
