Ова ќе биде првпат да го видиме Алек Болдвин на филмското платно по трагедијата што се случи на сетот на Rust, вестерн филм што тој го напиша, продуцираше и глумеше, во кој почина директорката на фотографија Халина Хачинс. Динамиката на инцидентот што се случи на снимањето се уште е под истрага, а во меѓувреме се води жестока правна битка.
Браќата Алек и Вилијам Болдвин се во Рим, Италија и снимаат истовремено два филма на „Минерва Пикчрс“ во соработка со ILBE: „Kid Santa“ и „Billie’s Magic Word“.
Двата филма, се снимаат во „live action”, техника која комбинира вистински актери и анимирани ликови, а главните улоги ги интерпретираат двете холивудски ѕвезди Алек и Вилијам Болдвин.
Нешто повеќе од две недели трае снимањето во Рим, а главниот град на Италија е избран да биде позадина на сите акциони сцени и на двата филма.
И двајцата браќа, иако на различни начини, се вклопуваат во жанрот на филмови посветени на семејното и божиќното зближување.
Во актерската екипа е и Елва Трил, која глуми во новото продолжение на „Џурасик Парк“, „Jurassic World Dominion“, филм чија премиера ќе биде во јуни.
