Познатиот српски пејач Аца Лукас еднаш се отвори за својата зависност од коцкање, но и за други помалку познати детали од неговиот живот.
Кој било друг, да е на негово место, би рекол дека жали што изгубил милиони на коцкање, но Аца стои зад неговите постапки и пороци, па во исповед изјавил дека ако повторно би се родил, сè би правел исто. Не крие дека користел опијати, посетувал бордели, но и дека изгубил повеќе од 70 милиони долари на коцкање.
– Има еден сајт кој направи студии за тоа колку ВИП личностите на Балканот потрошиле на коцкање, па и јас сум вклучен таму. Таму пишува дека има извесен Аца Лукас од Србија, голема ѕвезда… Пишува дека сум потрошил 70 милиони долари на коцкање. Морам да признаам дека за малку ќе го погодат… Не се каам. Никогаш во животот не жалам. Би зажалил доколку направам некои клучни грешки. Да се убијам, односно да се убиев, тоа би значело дека се каам, но еве ме, жив сум – рекол на почетокот Аца и објаснува дека еднаш броел колку изгубил на коцка и дека тоа е сума што може да купи белградска населба:
– Некои ми велат дека сум го прокоцкал станот во Белград. Човеку, си мислам пријателе, колку имам среќа што само го прокоцкав станот. Прокоцкав цела белградска населба. Една дебела населба, најскапата. Па, што ќе правиш, тоа јас сум. Сам ги заработив, сам ги прокоцкав. Не должам 70 милиони, тоа се мои пари, заработив повеќе од тоа. Ги обезбедив децата. Секој има сè што му треба. Си создадов живот за себе, моите деца имаат сè што треба да имаат.
