Денес разговараме на цветна тема со госпоѓа Мирјана Попгеоргиева, економистка по професија, пензионерка.
Мирјана е среќна, весела и комуникативна жена, која сака луѓе, цвеќиња и позитивни мисли. Таква е, весела, и нејзината тераса.
Терасата на Мирјана од само 5 метри квадратни е пример дека со љубов секој простор, дури и ако е помал, може да се претвори во бајка. Се согласува дека предноста на поголем простор е во тоа што може да се засадат повеќе цвеќиња, но вели дека нејзиното дворче се наоѓа на нејзината тераса.
Со одгледување и нега на цвеќиња се занимава речиси 20 години, но тоа го прави за лично задоволство, а не за бизнис.
-Дневно на цвеќињата им посветувам околу еден ипол час. Понекогаш за негата на цвеќето ми помага и сопругот, ни открива Мирјана.
Мирјана се согласува дека на цвеќето треба ѝ да му се зборува, но и да му се восхитуваш!
-Порано имав многу салонски цвеќиња и секое утро им зборував, ни вели таа.
Така е, за убаво цвеќе треба и убава жена и многу вложена љубов!
На Мирјана фаворити меу цвеќињата ѝ се бегониите, цикламата и сарделите од сите видови.
Совет за оние кои сакаат да почнат со одгледувањ на цвеќе?
-За почетници, најдобро е да почнат со сардели, зашто тие се наједноставни за одгледување, ни открива Мирјана, жената која толку многу си ги сака цвеќињата што им се восхитува дури и на оние кои по пат ги сретнува.
ФОТО – Приватна архива
