Сашко Стојанов има преубав двор кој се наоѓа во струмичкото село Сушица. Толку е убав дворот што просто не можеш да не сопреш тука, и длабоко да воздивнеш! Ах, каква убавина!
Сашко вели дека е голем љубител на цвеќиња и секогаш кога ќе добие некоја инспирација му прави задоволство да си го уредува дворот со цвеќиња.
Дворот се протега на 100 квадратни метри, а го красат најразновидни видови цвеќе и растенија.
– За одржување на овој двор потребни се околу три часа секој ден, ни вели Сашко и додава: Најголем предизвик во одгледување на цвеќиња е самата убавина која ти ја смирува душата кога си со цвеќето.
На нашиот соговорник сите цвеќиња му се омилени, зашто, вели, секое си е убаво на свој посебен начин.
Зиме пак, оние цвеќиња кои имаат можност да замрзнат, Сашко ги заштитува во домашни услови.
Го замолуваме за совет за оние читатели кои сакаат да почнат со одгледување цвеќе и уредување на дворче или балконче.
– Само љубов да се има за цвеќињата и можат да почнат да одгледуваат цвеќиња според наложувањето на условите кадешто живеат, советува Стојанов.
Инаку, Сашко е член на Фејсбук групата …ДВОРЧЕТО…
ФО
