(ФОТО) ИРЕНА ШИРИ РАДОСТ И ВО ГРЦИЈА: Дизајнираше „близначка“ кукличка за бабичка

Дизајнерката на кукли, Ирена Трпеска, е омилена меѓу дечињата, особено меѓу оние кои веќе имаат плетена кукличка изработена според сопствениот модел – со исти очиња, носе, коса, облека …па дури и очила, доколку ги носат, односно кукличките на Ирена се „фотокопии“ на изгледот на нарачателот – детенце.

За изработка на кукли, Ирена користи памучни конци за телото и за облеката, волница и акрилни конци за косата и за некои додатоци, а полнењето е силиконско. За изработката на облеката и модните додатоци на куклите пак, користи тул, тантела, филц, пластични и дрвени копчиња, сатенски ленти, бисери, бои за текстил… Времето за изработка на една кукла секогаш зависи од тоа колку е комплицирана куклата, колку парчиња облека има, колку додатоци…

И дотука приказната е навидум „обична“. Необичноста пак, дизајнерката ја најави со радост:

– После мноогу порачки на кукли од баби за своите сакани внуки, добив порачка да изработам кукла што ќе личи на саканата баба!  Верувам дека оваа госпоѓа ќе го добие најубавиот и најуникатниот подарок од својата внука. Куклата прво ќе ја пратиме во Битола а потоа ќе отпатува преку граница и добив ветување дека ќе добијам слика од бабата и кукличката, рече неодамна радосната Ирена, благодарна за довербата и интересната порачка, која ѝ била предизвик, бидејќи првпат плете баба.
Речено-стрено! И тоа сторено многу професионално.
Така, кукличката отпатува во соседна Грција и пристигна – во вистински раце.
Разнежнети од оваа убава приказна на дизајнерката Ирена, ја исконтактиравме Слободанка Павлова, која во приказнава е нарачателка на кукличката, односно „изненадувачката“.
Слободанка Павлова, фото – приватна архива
– Идеја за куклата добив кога бабата виде кукла што ја порачав за другарка ми и многу се израдува, па прашав дали може да направат и кукла за бабата, без бабата да знае, искрена е Слободнака и додава – Кога ѝ ја однесов куклата ја гушкаше и рече дека многу личи на неа.
Во продолжение, „фрлете“ поглед на среќаната госпоѓа и кукличката, и сами заклучете колку си личат и за какво радосно изненадување станува збор. 
ФОТОГРАФИИ – Приватна архива

Слични објави

(ФОТОГАЛЕРИЈА) НЕВЕРОЈАТНА УБАВИНА ВО ЖЕЛЕЗНИЦА: Дворот на Митко и Снежана не може да се опише со зборови!

Ј.К.Д

БИЛИ АЈЛИШ ОТКРИВА: Луѓето се плашат од големи гради, изгубив многу следбеници поради нив

Еспресо

СЛАВЧО ПОПОСКИ ПРОГНОЗИРА: Драстични промени, доаѓа вистинско лето!

Ј.К.Д

ПРИРОДЕН РЕЦЕПТ: Мед и лук за подобар имунитет

Еспресо

ИСТРАЖУВАЊЕ: Луѓето кои јадат повеќе млечни масти имаат помал ризик од срцеви заболувања

И. Т.

ДНЕВЕН ХОРОСКОП ЗА 24 СЕПТЕМВРИ: Некои разговори можат да придвижат нови интереси

И. Т.
Се вчитува....