Новите документи поднесени во тужбата против Гилејн Максвел, главниот соработник на сексуалниот предатор и насилник Џефри Епштајн, откриваат нови детали за пријателството на Епштајн со британскиот принц Ендру, принуден секс на малолетни девојчиња со принцот со цел да се соберат чувствителни информации, објави лондонски „Гардијан“.
Документите објавени од судот во Њујорк зборуваат за еден од договорените состаноци, што се случил на приватниот имот на Епштајн во Девствените острови.
Во нив се наведува дека, веќе починатиот Епштајн, присилил девојче, кое на судењето било обележано како Џејн До бр. 3, а нејзиното вистинско име е Вирџинија Робертс, за „да стори сé што бара принцот од неа и да му ги соопшти подоцна сите детали за сексуалниот чин“.
„Гардијан“ известува дека Епштајн наводно ја измамил оваа девојка и ја нудел за сексуални услуги на други моќни луѓе со цел „да им се додворува и да ги користи за деловна, лична, политичка и финансиска добивка, како и да добие потенцијално инкриминирачки информации што тој би можел да ги уценува “.
Меѓу неговите клиенти биле истакнати американски политичари, моќни бизнисмени, странски претседатели, премиери и светски лидери.
Покрај тоа, документите содржат тврдења дека принцот Ендрју се обидел да лобира во Соединетите држави за Епштајн, со цел тој да добие најповолна спогодба во судскиот процес што беше водена поради мито и проституција на деца во 2008 година.
Необјавените документи наведуваат дека за време на оргиите на островот и во становите на Гилен Максвел во Лондон и Њујорк, Вирџинија Робертс била присилена да има сексуални односи со принцот Ендру три пати.
Нема прецизни датуми за наводните настани, но се тврди дека Гилијен Максвел за прв пат се приближувала до Вирџинија Робертс во 1999 година, кога имала 15 години.
Епштајн ја користел како „роб за сексуални услуги“ од 1999 до 2002 година, кога успеала да избега.
Милијардерот обвинет за трговија со бели робови Џефри Епштајн, кој беше уапсен на 6 јули минатата година, се самоуби на 10 август во притвор во САД.
The post НОВИ ДОКУМЕНТИ ОТКРИВААТ: Малолетничка била присилена да има сексуални односи со принцот Ендру appeared first on Слободен печат.
НОВИ ДОКУМЕНТИ ОТКРИВААТ: Малолетничка била присилена да има сексуални односи со принцот Ендру was first posted on август 1, 2020 at 9:15 pm.
