12:53 - 18 ноември, 2026

Лиса Шаќири до лидерот на Левица: Апасиев најдобро е да не им се обраќа на Албанците, сè додека е вака настроен кон нив

Лидерот на Левица, Димитар Апасиев, вчера на неговиот фејсбук-профил напиша статус во кој им се обрати на Албанците во Македонија:

„Драги сограѓани АЛБАНЦИ. Замислете ваква ситуација: Република Албанија да има министер за надворешни работи етнички Македонец и тој, во име на сите Албанци, да преговара со Република Турција за тоа дали Скендер Бег е Албанец или Турчин!? Дали ќе се осеќате пријатно? Дали тоа нема да ве фрустрира?

Е токму тоа нас ни го прави Бујар ОСМАНИ од ДУИ!  Во име на Македонците преговара со Бугарите што биле Кирил, Методиј, Климент, Наум, Самоил, Гоце… Со кое право? Со чие полномошно? Затоа, драги сограѓани Албанци. Сега, во овие драматични моменти, кога дрско и тајно се распродава нашиот идентитет во Софија, сега е моментот да го осудите Османи и да застанете рамо до рамо со нас, вашите вековни комшии!

Смрт на фашизмот, слобода на народот,“, напиша Апасиев.

На неговата објава реагираше Лиса Баута Шаќири, м-р по правни науки, во јавноста позната и како сопруга на пејачот Бени Шаќири и ќерка на некогашниот фудбалски судија Беким Баута.

„Драги Албанци, а и Македонци и сите народи што живееме тука.

Г. Апасиев очигледно не може да се помири дека Албанец може да биде министер за надворешни работи. Исто така, Апасиев не може да сфати дека ниту една политичка фигура не смее да преговара за идентитетот на Македонците, ниту па може да одлучи „чиј е Гоце“ или како се вика јазикот на кој зборуваат Македонците. Бугарските власти моментално добиваат некој поен таму кај нивните гласачи со некоја си дебилна реторика, па сега Османи бил крив!

Апасиев треба да сфати една работа, а таа е многу едноставна: се додека е фашистички, национал-шовинистички настроен према Албанците, најдобро е да не им се обраќа!

Нека се присети дека Албанците ниту еднаш, во никаква прилика, не оспориле ниту знаме, ниту јазик, ниту име, а ниту црква!

И пред апелот на Апасиев ние бевме и ќе останеме тука рамо до рамо со нашите сограѓани македонци исто (а дури и по сплотени), како векови наназад!

Слобода на говор, а не говор на омраза!

П.С. Ах да, ова е најбитно: Ние не сме комшии тука, ние живееме под исти кров!“, реагира Шаќири.

Слични објави

Омилениот прилог за домашниот ручек — рецепт за кремасто пире со путер и млеко

К.С.

Емина Јаховиќ првпат проговори за скандалот со сопругата на Мустафа и наводната проневера на 200 милиони долари: „Тој нема никаква врска со тоа“

Еспресо

Халид Муслимовиќ со трогателно сеќавање за Халид Бешлиќ и Шабан Шаулиќ: „Лекарот ми рече дека сè можело да се спречи на време, но тоа е судбина“

E.A.

Кеба го коментираше случајот со синот на Вељко Ражнатовиќ: „Секој има право на свое мислење, но тој исправно размислува“

E.A.

Хороскоп за 18 ноември: Скорпии, ќе бидете незадоволни од деловните резултати

Еспресо

Семејна прошетка – Дарко Лазиќ со сопругата и ќерката отиде во едно од најголемите свети места во Србија

Еспресо
Се вчитува....