Еден од најскандалозните парови на американскиот шоубизнис – 47-годишниот Канје Вест и 29-годишната Бјанка Цензор се разведуваат. Ова беше објавено од американскиот портал ТМЗ (TMZ) повикувајќи се на голем број негови извори.
Упатените велат дека парот раскинал пред неколку недели. Бјанка се вратила кај родителите во Австралија, а раперот го продолжува патувањето во Јапонија. Наводно на својата сопруга ѝ кажал дека планира да живее во Токио и да се разведе од неа.
Гласините дека не е се добро со парот почнаа да кружат пред неколку недели. Последен пат заедно беа видени на 20 септември за време на шопинг, а оттогаш не се појавија во јавноста. Вест е горд „сингл“ маж во Јапонија, а неодамна беше забележан како јаде во локален ресторан во Јамајка. Бјанка не беше со него.
Вест и Цензори тајно се венчаа во декември 2022 година. Тие добија доверлива потврда за брак на 20 декември 2022 година во Пало Алто, Калифорнија.
За време на бракот, Бјанка се прослави по шокантните и многу скандалозни модни изгледи, поради што повеќепати и се закануваа казни во Јапонија и во Европа, а во Калифорнија за малку ќе завршеше во регистарот на сексуални престапници.
На нејзините родители не им се допадна начинот на кој се облекуваше девојката, а таткото на Бјанка, Лео Цензори, дури бараше Вест да дојде во Австралија на сериозен разговор маж со маж. Меѓутоа, подоцна Ангела Цензори, сестрата на Бјанка, ги негираше овие информации и изјави дека нивното семејство многу го почитува Канје.
Што е причината за разводот за кој се зборува во медиумите, не е познато.
