37-годишниот модел Ирина Шајк повторно е забележана на средба со американската фудбалска ѕвезда Том Брејди (46) во Мајами. За ова пишува Дејли Мејл.
Ѕвездата на модната писта влезе во автомобилот на спортистот по неколку недели гласини дека парот се разделил. Шајк беше облечена во широки темни фармерки, бел топ, а во рацете држеше црн дуксер, кој подоцна го облече.
View this post on Instagram
Врската на славните стана позната во летото 2023 година. Пред ова, Шајк имаше долгогодишна врска со холивудскиот актер Бредли Купер, со кој ја има ќерката Леа. Во меѓувреме, Брејди се разведе од манекенката Жизел Бундхен по 13 години брак.
Во есента 2023 година, беше објавено дека врската помеѓу Ирина и Том е завршена, но некои упатени рекоа дека супермоделката сака да му се врати на Брејди.
Во меѓувреме, Бредли Купер излегува со друга манекенка, Џиџи Хадид. А на Ирина Шајк, како што пишуваат американските таблоиди, не ѝ се допаѓа новата романса на нејзиното поранешно момче и таткото на нејзиното дете.
Шајк и Купер се разделија во 2019 година, но многупати ги поттикнаа гласините за помирување. Тие често поминуваат време заедно за доброто на заедничката наследничка.
