Во изминатите денови најактуелните вести од естрадата, за жал, се поврзани со разводите на брачните парови за кои се веруваше дека живеат хармонично и среќно, а на оваа тема се огласи и пејачката Весна Змијанац.
Весна го коментираше разводот на колешката Драгана Мирковиќ и истакна дека ѝ е многу жал.
– Многу ми е жал. Секогаш ми е жал кога ќе се растури куќа или брак, не знам колку е тешко, кога требало да дојде до тоа. Нема да биде лесно ни на едниот ни на другиот, знам по себе, тоа боли, тоа е зло – рече Весна за српските медиуми, а потоа откри дали се слушнала со пејачката:
-Не сум се слушнала со Драгана, не сакам да ја замарам.
Весна го коментираше и разводот на Харис Џиновиќ, за кој јавноста дозна неколку дена порано.
– И ова со разводот на Харис, не знам што е ова, зашто полудеа сите – се чуди Весна за српски „Блиц“.
