Папата Франциск денеска изјави дека жените кои тој ги назначи во Ватикан докажале дека можат да бидат подобри администратори од мажите и дека има премногу машки шовинизам во Римокатоличката црква и во општеството воопшто.
Папата ова го изјави на прес-конференција, која ја одржа во авионот при враќањето во Рим од четиридневното патување во Бахреин, пренесе Ројтерс.
„Забележав дека секогаш кога на една жена и се доделува одговорна позиција во Ватикан, работите се подобруваат“ – рече тој.
Папата Франциск одби да одговори на прашање за жените кои ги водат протестите во Иран.
Тој ја спомена сестра Рафаела Петрини, заменик-гувернерот на Ватикан, која всушност е најмоќната жена во Ватикан, задолжена за околу 2.000 вработени.
„Работите се сменија на подобро“, рече тој, мислејќи на менаџерските способности на Петрини, кој беше назначен минатата година.
Папата го наведе и влијанието на петте жени што ги назначи во одделот што ги надгледуваат финансиите на Ватикан.
„Тоа е револуција бидејќи жените знаат да го најдат вистинскиот пат за напредок“ – рече тој.
Папата Франциск го осуди машкиот шовинизам, признавајќи дека сè уште е присутен премногу ширум светот, вклучително и во неговата родна Аргентина.
„Жените се подарок. Бог не го создал човекот, а потоа не му дал кученце да си игра. Тој ги создаде мажот и жената“ – рече тој.
Папата истакна дека општеството кое не е способно да им дозволи на жените да имаат поодговорни улоги, не оди напред.
