Украинскиот претседател Володимир Зеленски денеска изјави дека нема да учествува на претстојниот самит на Г-20 во Индонезија доколку присуствува рускиот претседател Владимир Путин.
Зеленски им изјави на новинарите во Киев по разговорите со грчкиот претседател дека индонезискиот претседател Џоко Видодо го поканил да учествува на самитот на 15-16 ноември, објави Ројтерс.
„Мојот личен став и ставот на Украина е дека ако учествува претседателот на Руската Федерација, тогаш Украина нема да учествува. Ќе видиме како ќе биде“, рече Зеленски.
