Откако британската дизајнерка на накит и ќерка на познатиот пејач Мик Џегер, Џејд Џегер, беше уапсена на Ибица поради напад на полицаец, сега ќе седне и на обвинителна клупа, а ќе треба да плати и казна за инцидентот.
Според шпанските медиуми, Џејд била во ресторан со пријател, а двајцата во еден момент покажале агресија.
Полицијата дошла и се обидела да ја смири ситуацијата, но Џејд, која наводно била во алкохолизирана состојба, бурно реагирала и ги нападнала полицајците. Полицаец се обидел да ја смири ситуацијата, а потоа нејзиниот пријател тргнал кон полицајците и почнала да вика дека се расисти.
Откако поминале две ноќи во притвор, Џејд и нејзиниот пријател завршиле на суд.
На рочиштето кое ќе се одржи за неколку дена, се наведува дека Џејд ќе плати казна од 1.200 евра за давање отпор на властите и 200 евра за нанесување полесни повреди. Нејзиниот пријател ќе плати 800 евра за напад на полицаецот, пренесува „Ел Паис“.
