Хрватската пејачка Данијела Мартиновиќ се потсети на почетоците од својата кариера во групата „Магазин“ и откри во какви односи била со Вјекослава Хуљиќ — сопругата на Тончи Хуљиќ и мајка на Хана Хуљиќ, со која нејзиниот поранешен долгогодишен партнер Петар Грашо стапи во брак.
Мартиновиќ истакна дека уште на самите почетоци во групата имала голема поддршка од Вјекослава, која ја доживувала како втора мајка и извор на женска сигурност:
„Вјекослава ја познавам од мојата 19-та година, односно откако дојдов во ‘Магазин’. Кога почнував, во Вјекослава чувствував женска сигурност и често знаев на фестивалите да ѝ седнам во скут. Навистина чувствував мајчинска сигурност кај неа, а тоа нема врска со годините, туку со она што го носите во себе“.
Вјекослава Хуљиќ исто така упати низа комплименти за Данијела, истакнувајќи дека во 90-тите години таа израснала во една од најголемите музички ѕвезди на тие простори. По раскинувањето со Грашо, Данијела ја пронајде среќата покрај поранешниот инспектор Јосип Плавиќ, кого го опишува како свое сигурно пристаниште и најголема поддршка.
