Илина Арсова ја откри вистината зошто се врати од Америка во Македонија, каде што Универзитетот во Тенеси работеше како професор на одделот за кинезиологија, рекреација и спорт и беше на докторски студии.
– Јас се вратив од Америка во Македонија зашто видов надеж. Сите овие мали победи кои се случуваа летово, мала победа на Дошница, мала победа Љубојно, мала победа Вардариште.
Тоа е еден убав момент на здрава, освестена критична маса која мене ми влева надеж дека ние со една иста мисла да си ја зачуваме и заштитиме мајката природа што живот ни дава.
Можеме да си ја направиме нашава земја и да ни е прекрасно место за живот, да не мора да си ги напуштаме гнездата и дедовините и бабовините за да бараме подобар живот. Ние можеме прекрасен живот да имаме – рече познатата планинарка и уметник во поткастот „Фенеркаст“.
– Американците ми се чини ме доживуваат како херој. Ми даваат епитет рок-ѕвезда или „бадас“, што се термини што се користат за некому да му дадат комплимент и почит за огромно достигнување. Универзитетските журнали и портали повремено пишуваат за моите достигнувања, кои некако сега земаат нов академски тек – рече Илина во интервјуто за „Слободен печат“ во 2023 година.
