Полицијата пронашла тело без глава и раце на плажата Бризи Поинт во Њујорк.
Дејли мејл сугерира дека телото било откриено две недели откако познатиот ирски режисер Рос Мекдонел (44) исчезнал од неговиот дом во Њујорк, а неговиот велосипед подоцна бил пронајден на само пет километри од плажата Бризи Поинт.
Полицијата на Њујорк се уште не соопштува дали осакатеното тело било исфрлено на брегот од водата или оставено на плажата. Се уште се работи на утврдување на точната причина за смртта.
Идентитетот на жртвата нема да биде соопштен додека семејството не биде известено, пишува Дејли меил.
Мекдонел последен пат бил виден во сабота, 4 ноември околу 20:30 часот. Добитникот на Еми тогаш бил виден на плажата Форт Тилден во близина на Роксбери, каде што неговиот велосипед беше пронајден три дена подоцна.
Претходно овој месец, пријател на исчезнатиот режисер, Џин Галерано, изјави за ирските медиуми дека Мекдонел бил на плажата, но „влегол во океанот“ пред да му се изгуби трагата.
