Миленикот на фестивалите, авторот на „Француски гласник“ и „Хотел Гранд Будимпешта“ ни носи нов филм кои неговите фанови едвај го чекаат во киносалите.
Насловен како Астероиден град, неговиот следен проект, според Холивуд репортер, е наведен како „поетска медитација за смислата на животот бидејќи ја раскажува приказната за измислен американски пустински град во и околу 1955 година и неговата конвенција Junior Stargazer, која ги обединува студентите и родители од целата земја на научен натпревар, одмор и рекреација, комедија, драма, романса и многу повеќе“.
Скарлет Јохансон ја гледаме во првиот трејлер, кој беше објавен на 29 март и нуди повеќе увид во главните точки на заплетот на филмот. Се отвора со семејствата кои се собираат во градот на астероидите за конгресот, а Јохансон се појавува во стил од 50-тите и совршени црвени усни, глумејќи магнетно-привлечна филмска ѕвезда. Но, тогаш, се чини дека вонземјаните стапуваат во контакт со земјаните и градот станува карантинска зона. „Не ми се допаѓа начинот на кој тој човек нè погледна нас, вонземјаните. Како да сме осудени на пропаст“, вели ликот на Џејсон Шварцман. „Можеби сме“, вели Јохансон.
Режисерот Вес Андерсон собра навистина ѕвездена актерска екипа во филмот: Тилда Свинтон, Адриен Броди, Том Хенкс, Маргот Роби, Руперт Френд, Џејсон Шварцман, Скарлет Јохансон, Брајан Кранстон, Хоуп Дејвис, Џеф Голдблум, Џефри Рајт, Лев Шри , Мет Дилон, Софија Лилис, Едвард Нортон, Стив Карел, Вилем Дефо, Џарвис Кокер и други.
Филмот „Град на астероидите“ (Астероид Сити) ќе биде премиерно претставен на 16 јуни 2023 година.
