Со солзи во очите, Стојне Николова проговори за својата голема животна загуба која ѝ се случила кога била многу млада.
Станува збор за нејзиниот татко, кого Стојне го загубила кога имала само 16 години.
„Јас мислам дека тој би се гордеел со мене и со моите браќа“, рече познатата фолк пејачка во емисијата „Животна приказна“, а потоа се расплака и не можеше да продолжи подолго време.
Во најавата на оваа емисија, Стојне зборува дали би ја сменила својата професија поради партнер и рече дека за многу работи ѝ е криво.
– Еден ден требаше да ме носи на настап. Се случи тоа што се случи. Дојде дома и само рече дека му е лошо и тука пред нас падна од креветот и толку беше. Го однесовме во болница, но таму ништо не можеше да се направи. Мозочен удар како гром од ведро небо – рече Стојне претходно во поткастот на Стефан Лазаров.
– Татко ми беше најважниот човек во мојот живот. Мојот идол, човекот кој живееше за мене, живееше за моите браќа. Едноставно, беше многу среќен што јас влегувам во музичките води – додаде пејачката.
