Годинешното доделување на Златните глобуси донесе новина – беше воведена категорија за најдобар поткаст, а наградата ја врачи познатиот рапер Снуп Дог.
Сепак, неговото појавување на сцената предизвика контроверзии, бидејќи дел од неговиот говор беше цензуриран во телевизискиот пренос. Додека присутните во салата го слушнаа целиот говор, гледачите пред малите екрани беа „почестени“ со звучен сигнал, а подоцна беше откриено и што точно изјавил раперот, пренесува „Ентертејмент викли“.
“I’m high as a motherfucker right now” Snoop Dogg #GoldenGlobes uncensored pic.twitter.com/PsH5y9Bi3B
— Principe (@Pri_Letterman) January 12, 2026
Снуп Дог се појави на сцената во свој препознатлив стил, повикувајќи ја публиката да се опушти.
„Олабавете се малку. Ова се двојно Г – Златните глобуси, а со вас е Д-О-двојно-Г“, изјави тој. „Уживајте и не бидете вкочанети, малку раздвижете се!“
Потоа се пошегува и на сметка на новата категорија.
„Најдобар поткаст е многу важна категорија за мене, бидејќи пред поткастите, јас бев тоа што го слушавте во автомобилите. Вие поткастери подобро надевајте се дека нема да влезам во таа игра“, рече Снуп, пред за победничка да ја прогласи Ејми Полер со поткастот „Добро дружење“.
Непосредно пред прогласувањето на победничката, преносот накратко беше прекинат. Благодарение на публиката во салата, брзо се дозна што рекол 54-годишниот музичар. Во свој стил, Снуп се пошегувал со консумирањето марихуана.
„Моментално сум напушен како змеј. Предолго ме држите овде горе“, рекол низ смеа, а токму оваа изјава била цензурирана во телевизискиот пренос.
Иако ваквата шега е целосно во склад со имиџот на Снуп Дог (кој е и сопственик на бренд за канабис), телевизиските мрежи имаат строги правила кога станува збор за спомнување дроги и пцовки во живо. Раперот не беше единствениот што беше цензуриран таа вечер – поради употреба на пцовки, делови од говорите беа исечени и кај добитничките Тејана Тејлор и Ерин Доерти.
