Северина на Инстаграм го одбележа 14. роденден на својот син Александар, објавувајќи емотивно видео – компилација од снимки што го следат неговото растење од раѓање до денес. Станува збор за црно-бело видео со низа интимни моменти, од првите насмевки и чекори до заеднички игри, а дел од материјалот досега не бил јавно објавен. Видеото го придружи со трогателна порака.
View this post on Instagram
„Четиринаесет години… откако првпат здивна, а јас првпат сфатив колку срцето може да сака“, напиша пејачката на почетокот. Потоа се осврна на тешките периоди, алудирајќи на долгогодишните предизвици и јавни битки со кои се соочувала. „Минав низ бури само за да те прегрнам и низ тишини во кои одѕвонуваше само твоето име. И сѐ би направила повторно“, додаде таа, нагласувајќи колку ѝ значи синот.
Пораката ја заврши со желба да го заштити од грубоста на светот што и самата ја почувствувала: „Кога настана оваа песна, ти не го познаваше светот како мене… И се надевам дека никогаш нема ни да го запознаеш така. Среќен 14. роденден, сине мој.“
Објавата брзо предизвика бројни реакции од следбениците и колегите од естрадата. Во коментарите се редеа честитки, емотивни пораки и зборови на поддршка, а многумина ја истакнаа нејзината сила и посветеност како мајка.
