Славната Шерон Стоун ѝ го честита 51 роденден на Северина со видео порака, која хрватската пејачка ја сподели на Инстаграм. Таа призна дека останала без зборови на момент и колку ѝ значи оваа роденденска честитка.
„Ви посакувам магичен роденден и се надевам дека ќе се запознаеме оваа година“, ѝ порача Стоун на Северина.
Хрватската пејачка ѝ се заблагодари и на Шерон и на Орнела Амулиќ, поранешна ѕвезда на Големиот брат, која денес работи како продуцент во Америка и која ѝ го приредила ова иненадување.
„О, блажена Богородице, не знам како да кажам нешто за Шерон Стоун… која исто така ми го честита роденденот. Само уште да ми се појави Богородица… Што да кажам освен – благодарам на една прекрасна, многу паметна (IQ 154) и силна жена, мајка, актерка, икона и идол на генерацијата, која направи многу добро за жените“, пишува меѓу другото хрватската пејачка.
View this post on Instagram
