Американски ретро-бомбардер Б-17 се урна откако се судри со друг авион на аеромитингот „Вингс над Далас“ во Далас, Тексас, пренесува ABC News.
Портпаролот на пожарникарството и спасувањето во Далас, Џејсон Еванс, рече дека двата авиони се судриле околу 13:30 часот (22:30 часот по средноевропско време) на воениот аеродром во Далас.
Утврдено е дека во несреќата учествувал Боинг Б-17, бомбардер од Втората светска војна. Околу 14.00 часот (по американско време) Еванс рече дека нема информации за состојбата на пилотите или за жртвите на теренот.
Очевидци јавуваат дека остатоците од судирот се расфрлани на автопатот 67. Подоцна беше соопштено дека дел од патот е блокиран за сообраќај.
