„Еј Украинци, јас сум Мајк Тајсон и јас сум на ваша страна“: вака поранешниот боксерски шампион ја изрази својата поддршка за Украина во војна со Русија во кратко видео објавено на Твитер од Украинската боксерска федерација.
👊🇺🇦 @MikeTyson pic.twitter.com/emzlkteX0v
— UkraineBoxingPRO (@UkraineAtamans) June 18, 2022
Не е првпат поранешниот светски шампион во тешка категорија да се вклучи во украинската криза: пред неколку дена контроверзниот американски радио водител Алекс Џонс, поддржувач на бројни теории на заговор, му предложи да посредува меѓу Москва и Киев. Евентуалност што „Iron Mike“ ја отфрли, велејќи дека „мора да ги погледнеш различните страни на нештата, да размислиш однапред“ пред да направиш нешто.
Џонс го потсети Тајсон на времето кога поранешниот кошаркар Денис Родман отиде да се сретне со севернокорејскиот лидер Ким-Јон Ун во Пјонгјанг, средба што Џонс рече дека ги намалила тензиите меѓу Северна Кореја и Вашингтон.
