Песната на Еминем „Cleanin’ Out My Closet“ има 360 милиони прегледи на YouTube, но иако ова е еден од најголемите хитови на познатиот пејач тој воопшто не го изведува на своите настапи.
Во песната, тој ја нарекува својата мајка себична кучка за која се надева дека ќе изгори во пеколот и вели дека никогаш нема да ја види својата ќерка Хејли.
Еминем и се извини на мајка си десет години подоцна во песната Headlights.
Веќе не ја изведува првата песна и, како што вели, се чувствува лошо кога ќе ја слушне на радио.
Во песната Headlights, Еминем дополнително го објасни својот гнев кон мајка си и опиша некои инциденти од неговото детство, дека бил исфрлен од дома на Бадник, дека имало тепачки во семејниот дом. Тој го спомена и настанот по кој неговиот помал брат беше згрижен од стручните служби.
