Концертот на српската пејачка Ана Бекута, одржан по повод дочекот на стара нова година на градскиот плоштад во Чачак, се претворил во непријатен инцидент. Настапот бил прекинат откако дел од публиката почнала да ја мава со снежни топки неа и нејзиниот бенд.
Инцидентот се случи поради протести организирани од граѓани наводно незадоволни од сумата платен за нејзиниот настап. Собраните луѓе наводно биле револтирани од фактот дека за концертот биле издвоени 40.000 евра. Поради ова, нејзиниот настап бил проследен со свирежи и бучава од самиот почеток, но ситуацијата ескалирала кога снежни топки почнале да летаат на сцената.
View this post on Instagram
Работите излегле од контрола кога еден од членовите на бендот бил погоден со снежна топка во главата, поради што пејачката го прекинала концертот и видливо вознемирена се обратила кон публиката, пренесува српски „Телеграф“.
„Срам да ви е! Дали имате вие мајка? Дали имате сестра? Дали имате баба? Срам да ви е! Каде е полицијата овде? Дали полицијата прави нешто? Ние нема повеќе да пееме и свириме! Ајде, со рацете во воздух“, налутено порачала Бекута.
Нејзините зборови, меѓутоа, не ја смириле ситуацијата, туку предизвикале нов бран на негодување и уште повеќе мавање со снежни топки. Иако во еден момент се чинело дека концертот е завршен, пејачката одлучи да продолжи да пее.
На крајот Бекута се симнала од сцената, но го продолжила настапот од комбето во близина. Снимките од Бекута како пее од возилото, додека сè уште се слушаат свирежи од народот, брзо се проширија низ социјалните мрежи.
View this post on Instagram
