Раперката Иги Азалеа (33) во петокот вечерта одржала концерт во Ријад, Саудиска Арабија, но концертот бил прекинат затоа што ѝ пукнале панталоните од латекс на сцената.
Како што пејачката изјави по инцидентот, не се работи за модна несреќа, туку со тој чин испратила порака за зајакнување на жените и со тоа ја принудила полицијата предвреме да го прекине концертот.
Иги на концертот ги извела своите песни полни со пцовки, без цензура, а кога и пукнале панталоните се обиде да сокрие што се случило, па ги повика членовите на тимот да и донесат тренерка.
Инаку, во моментот кога наеднаш пукнаа панталоните, свиреше ремикс на феминистичката химна „Женски свет“ во изведба на Шер.
Иги успеала да изведе уште неколку песни, а потоа полицијата и го прекинала настапот. Таа потоа се огласи на Твитер за инцидентот и им се извини на фановите, а потоа објави дека концертот е откажан поради нејзината феминистичка порака.
„Многу ми е жал што не ми дозволија да го завршам настапот. Властите не ни дозволија затоа што ми пукнаа панталоните“, напиша таа.
Кога еден маж ја прашал дали властите навистина нема да ѝ дозволат да ги смени панталоните и да продолжи да настапува, Иги извикала на сцената:
„Дами, направете врева, тоа е женски свет!“ што, како што тврди, очигледно тоа ги натерало властите да го прекинат концертот.
Познато е дека Саудиска Арабија има строги закони за јавна пристојност, што вклучува и скромно облекување.
iggy azalea handled her wardrobe malfunction so well last night. 🤭 pic.twitter.com/mhO9nbu8Sq
— IGGY AZALEA DAILY (@IADaily) August 26, 2023
