Влатко Лозаноски раскажа лична семејна приказна за синот Марко и за него. Пејачот кој е инаку воздржан за приватниот живот, се отвори овојпат.
– Откако се роди Марко, можеби некако е подруг Влатко. Јас сум цело време со него, се дружам со него генерално, и некако ми е, можам да кажам поубав и подобар животот – рече пејачот во најавата која ја објави „Бекстејџ“.
Марко, синот на Влатко Лозаноски- Лозано во октомври наполни една година, а пејачот објави фотографии од крштевката и фотографии од претходниот период.
Пејачот претходно не објавуваше фотографии од синчето, но сега сподели фотографии од еден посебен ден, неговиот роденден и крштевка.
– (18.10) Крштевка и прв роденден на нашата радост Марко. Биди ни секогаш среќен и од Бога благословен – напиша пејачот.
Досега, неколку фотографии од синот објави неговата сопруга Сава Грачанин, која е поранешна Мис, од моменти како ужива со Марко во прошетките и на одмор. Лозано инаку ќе одржи концерт во Скопје на 7 март следната година во Арената „Борис Трајковски“.
