„With Or Without You“ – ова е втората песна на U2 од нивната претстојна компилација „Songs Of Surrender“, албум со обработени песни од целиот нивен каталог која ја споделија со своите фанови.
Прво преработка доживеа нивниот хит „Pride (In the Name of Love)“.
Песната „With Or Without You“ беше објавена во март 1987 година како водечки сингл од нивниот петти албум, The Joshua Tree.
Оваа песна беше на врвот на топ листите во нивната родна Ирска, САД и Канада, а се проби во Топ 5 во Холандија, Белгија, Обединетото Кралство, Финска, Нов Зеланд и Шпанија.
Новата верзија на „With or Without You“ ја задржува меланхоличната атмосфера на оригиналот, но со повозбудлива и минималистичка продукција фокусирана на акустичната гитара.
