Американскиот претседател Џо Бајден, говорејќи пред почетокот на самитот на Асоцијацијата на државите од Југоисточна Азија (АСЕАН), ја помеша Камбоџа, која претседава со организацијата, со Колумбија, пишува Sky News.
„Сакам да му се заблагодарам на премиерот на Колумбија за неговото лидерство како претседавач на АСЕАН и исто така што не покани сите нас“, рече тој за премиерот на Камбоџа, Хун Сен.
Гафот доаѓа само неколку недели откако Бајден, говорејќи на Конференцијата за глад, исхрана и здравје, праша дали членот на републиканската партија Џеки Валорски, кој загина во сообраќајна несреќа во август, е во собата. Тој рече: „Дали е Џеки тука? …“, пишува Sky News.
Претходно, Бајден веќе направи уште еден лапсуз, мешајќи ги Камбоџа и Колумбија, пред да полета на странска турнеја. Тој рече дека оди во Каиро, па во Колумбија и се поправи дека во тоа време всушност размислувал за западната хемисфера.
Бајден пристигна во Пном Пен за да присуствува на самитот САД-АСЕАН и самитот во Источна Азија. На 13 ноември, Бајден треба да одржи билатерални разговори со јапонскиот премиер Фумио Кишида и корејскиот премиер Јун Сок-Јол. Покрај тоа, претседателот планира да одржи трилатерална средба со јапонскиот премиер и јужнокорејскиот претседател за дополнително зајакнување на соработката во индо-пацифичкиот регион.
