Бен Афлек стана хит на социјалните мрежи додека го промовираше својот нов филм поради неговиот течен шпански јазик.
Имено, вчера на социјалните мрежи се појави видео во кое тој гостува во една емисија, каде зборува за деталите од неговиот нов филм „AIR“ и за причините зошто ликот на Мајкл Џордан не се појавува во филмот, бидејќи тој зборува за биографскиот филм на Џордан и соработката со брендот Најк.
Познатиот актер течно зборуваше шпански, а во еден момент не можеше да смисли шпански збор за ликот. Сепак, тој брзо се сети и во исто време јасно изрече: „Персонаје“.
@la_ser 🏀 #BenAffleck nos confiesa la única petición de #MichaelJordan para #AIR #película #cineentiktok #nike #marcas #basket #foryou #entrevista #curiosidades #airJordan
По ова интервју тој предизвика бројни позитивни коментари. Многумина беа изненадени, а некои корисници на социјалните мрежи напишаа дека тој подобро зборува шпански и од сопругата Џенифер Лопез, која е родена во Порторико, каде шпанскиот ѝ е еден од мајчините јазици.
За време на гостувањето во шоуто на Кели Кларксон во 2020 година, Афлек изјави дека зборува шпански пасивно, велејќи дека јазикот го научил кога имал 13 години, откако поминал една година во Мексико снимајќи телевизиска серија.
Овој 50-годишен актер потоа истакна дека неговата најстара ќерка Виолет, која ја има со поранешната сопруга Џенифер Гарнер, секогаш била заинтересирана за шпанскиот јазик, па често и помагал да го научи.
