Приватно возило утрово удрило во оградата на руската амбасада во главниот град на Романија, Букурешт.
Во извештајот на државното радио на Романија се наведува дека инцидентот се случил утринава околу 06.30 часот, дека автомобилот се запалил откако удрил во оградата на руската дипломатска мисија и дека возачот починал на лице место, пренесува ТАСС.
За сега не се знае дали станува збор за напад на Руската амбасада или сообраќајна несреќа. Сообраќајот се одвива на улицата отежнето, а случајот се истражува.
