Легендарниот пејач на народна музика Халид Бешлиќ почина во октомври оваа година, оставајќи зад себе неутешна сопруга и семејство. Неговата долгогодишна љубена, сопругата Сејда, која со децении му беше најголема поддршка, денес се обидува да се избори со тагата по загубата.
Нивниот близок пријател и колега, пејачот Осман Хаџиќ, откри каде моментално се наоѓа Сејда и како се чувствува по смртта на својот сопруг.
Според него, тој останал во редовен контакт со синот на Халид, Дино, кој му пренесувал информации за мајка му.
„Се слушам со Дино редовно. Сејда е во Германија кај него, добро е. Мислам дека е подобро, штом можела да отпатува таму во посета – тоа е добар знак“, изјави Хаџиќ.
Љубов долга половина век
Халид и Сејда се сакаа речиси педесет години. Нивниот брак важеше за еден од најскладните на сцената, а пејачот често истакнуваше колку му значи сопругата. Во последните месеци од животот, ѝ ја посвети и последната песна, која излезе додека тој се бореше со тешката болест.
Во едно интервју Халид раскажа како изгледал денот на нивната венчавка. Бидејќи татко му не му дозволил да се ожени во Сараево, тие се венчале во трошна канцеларија во месната заедница во селото Кнежина.
„Го испочитував татко ми. Кај нас, додека е жив стариот, неговата е последна“, рече тогаш.
Тој се присети и на интересен момент од тој ден:
„Лето беше, прозорецот отворен. Токму кога требаше да потпишеме, влетаа неколку птици. Се смеевме сите, беше вистинско лудило.“
Животни битки и семејни искушенија
Брачната двојка го доби синот Дино, а иако сакале да имаат повеќе деца, поради здравствени проблеми тоа не било возможно.
„Операцијата на туморот ѝ ја одзеде можноста на Сејда да роди уште деца. Бевме многу тажни поради тоа“, открил Халид во една прилика.
