Возачот на автомобилот со иницијали В.К. (62) е приведен по наредба на ОЈТ во Шабац по сообраќајна несреќа во која загина Драган Лазиќ (32), брат на пејачот Дарко Лазиќ.
– Се испитуваат сите околности на несреќата. По судирот, мотоциклистот прелетал 50 метри. Брзата помош пристигнала брзо, но тој починал во болница. Возачот е приведен 48 часа – изјавил соговорник на „Блиц“.
Како што дознава „Курир“, жената која била на совозачкото седиште во патничкото возило е пренесена во болница каде што ѝ се констатирани полесни повреди.
По несреќата, семејни пријатели се собрале во куќата на Дарко Лазиќ во Брестач, а таму била и брза помош.
Да потсетиме, Драган Лазиќ загина во сообраќајна несреќа откако паднал од својот мотоцикл, по удар од автомобил. Дарко и Драган го поминале попладнето заедно во кафуле во Шабац, каде што пристигнале од Брестач со мотоцикли.
