Пејачката Тереза Кесовија (87) се збогува со својата публика, но изјави дека би сакала да одржи уште три концерти. Таа истакна дека смета дека дошло времето да се повлече.
Тереза отворено зборуваше за своите планови, но призна дека не е сигурна дали ќе успее да ги реализира, поради здравствената состојба.
„Тоа е моја желба, но ќе видиме како ќе биде. Ме боли ‘рбетот, ме боли коленото, сè е поврзано, но можам сè уште да пеам. Сакам да се збогувам од публиката со песна, но, повторувам, ќе видиме. Се надевам дека ќе најдам сили, само треба физички да издржам, со помош на стап или столица на сцената, нема проблем,“ – изјави Тереза.
Таа замислила нејзините последни концерти да бидат во Дубровник, Љубљана и Загреб.
Тереза се потсети и на еден од своите настапи од пред неколку недели, кој го опиша како еден од најубавите и најемотивните во нејзината кариера, а пеела на венчавката на својата внучка Мила.
„Беше навистина посебно, многу емотивно. Имаше многу гости и преубава церемонија. Мила беше прекрасна, тоа беше неверојатно. Таа и нејзиниот сопруг Филип оделе на часови по танц, и во еден момент тој ја подигна над глава, а јас само помислив: ‘Не ми ја пуштај сега’“ – раскажува Тереза со насмевка.
„Морам да го пофалам Филип, добар и вреден момче. Многу ми е драго поради овие двајца млади луѓе.“
