Кармен Салинас, ѕвездата на мексиканските сапуници, почина на 82-годишна возраст, пренесува „ABC7“.
Семејството на актерката тажните вести ги потврди на социјалните мрежи. Тие велат дека Салинас починала во четвртокот.
Во соопштението се вели дека за времето и местото на последното збогување дополнително ќе ја информираат јавноста. Семејството им се заблагодари на сите обожаватели за бројните пораки за поддршка.
— Carmen Salinas (@CarmenSalinasLo) December 10, 2021
Салинас била хоспитализирана минатиот месец откако претрпела мозочен удар и паднала во бањата во нејзиниот дом. Оттогаш таа била на интензивна нега во болницата во Мексико Сити.
Кумот на актерката, Хорхе Нието, тогаш изјавил дека Салинас била во кома од која веројатно нема да се разбуди.
View this post on Instagram
„Ја прегледуваа тројца невролози и се согласија дека мозочниот удар направил голема штета. Она што ни го кажуваат е дека повеќе нема да се разбуди, но чекаме какво било чудо, се може да се случи“, рече тој, пренесе „Memesita“.
Актерката зад себе остави над 60 години кариера во мексиканските сапунски опери и филмови. Таа беше и член на Претставничкиот дом на Мексико.
